Izohli lug‘at

tasalli

тасалли

Ma’nolari

Yupantiruvchi, taskin beruvchi gap-soʻz, xatti-harakat va sh.k.
Tasalli bermoq; Yupatuvchi gap-soʻz aytmoq, xatti-harakatlar qilmoq, shu yoʻllar bilan yupantirmoq, taskin bermoq.
Tasalli topmoq; Koʻngli tinchlanmoq, taskin topmoq.

Yengil esgan shabadadanmi yo brigadirning tasallisi kor qildimi, har qalay, raisning chehrasi bir oz yorishdi. — X. Ergashev. —
Tadbirkor rais. Men haqiqiy qishloq oqsoqollarining soʻzini eshitdim. Mening uchun yurak amri bilan aytilgan bu soʻzlar tasalli edi. — N. Safarov — Olovli izlar.,
Shu topda.. yigitchaga nimadir deb tasalli bergisi keldiyu, soʻz topolmadi. — Oʻ. Hoshimov — Qalbingga quloq sol.
Omon unga yaqinlashdi, yelkasiga qoʻlini tashlab, tasalli berdi. — S. Karomatov — Oltin qum.
Shu gapni aytsa, koʻngli allaqanday tasalli topardi. — Sh. Xolmirzayev — Ogʻir tosh koʻchsa.
Yigit sheʼr yozib, oʻzini bir yaproqqa, qizni bir tomchiga oʻxshatib, koʻngli ancha-muncha tasalli topadi. — P. Qodirov — Uch ildiz.

arab. – tinchlantirish, yupatish; xushnudlik, xotirjamlik

Manba: Vikilug‘at

Ko‘rilgan: 0