vosita

Ma’nolari

1. Biror maqsadga erishish yoki biror ishni amalga oshirish uchun dastak boʻlib xizmat qiladigan narsa, qurol.
2. Umuman, biror narsani amalga oshirish uchun xizmat qiladigan, foydalaniladigan narsa, omil.
3. (oʻ.-p. k. da — vositasida) koʻm. vazifasida. Orqali, tufayli.
4. Vosita qilmoq Vosita sifatida ishga solmoq, foydalanmoq.

Misollar

• Axborot vositalari. Texnika vositalari. Transport vositalari. Ishlab chiqarish vositalari.
• Daryodan suzib oʻtish uchun Umarovda qayiq ham, oddiy suzish vositasi ham yoʻq edi. — T. Rustamov — Mangu jasorat.
• Deydilarki, odatda, sevishganlar oʻz koʻngillarini til bilan izhor etolmaydilar, imo-ishora va baʼzan qochiriq gaplar juda yaxshi vosita emish. — Shuhrat — Shinelli yillar.
• Mehnat intizomi shunday bir vositaki, u ishda uyushqoqlikni, tashabbuskorlikni, ijodkorlikni taʼminlaydi. — Oʻzbekiston qoʻriqlari.
• Qoraqand mevasi bilan chinor poʻstlogʻidan tayyorlangan shar-bat ham qandli diabetni davolashda yaxshi vosita ekan. — Fan va turmush.
• ..faqat u mening vositamda toʻyni boshlash uchun sizdan izn olgani kelgan ekan. — A. Qodiriy — Mehrobdan chayon.
• ..ularning [davlatmandlarning] ziyofatlari vositasida baʼzi madrasalarning mudarrislari, muharrirlari bilan ham tanishdi. — A. Qodiriy — Mehrobdan chayon.
• Munisxonni shuncha vahima bosdiki, onasini vosita qilishga sabri chidamay, akasi bilan yuzma-yuz oʻtirib gaplashishga majbur boʻldi. — A. Qahhor — Sarob.

Kelib chiqishi

a. وَاسِطَة — chora, tadbir, usul; oʻrta, oʻrtadagi

Manba: Vikilug‘at