xush

Ma’nolari

1. . Yaxshi, yoqimli.
2. Vaqti (yoki koʻngli) xush Kayfi chogʻ, xursand.
3. Xush yoqmoq Juda yoqmoq, maʼqul tushmoq.
4. Xush kelibsiz! yoki xush keldingiz! Mehmon kelganda, hurmat yuzasidan aytiladigan ibora.
5. Xush kelmoq Yoqmoq, yaxshi koʻrmoq.
6. Xush koʻrdik xush kelibsiz.
7. Xush koʻrmoq Yoqtirmoq, yaxshi koʻrmoq.
8. Xush endi! Xayrlashish vaqtida aytiladi; xayr.
9. Xush qoling Xayrlashish vaqgida ketuvchining qoluvchiga yaxshilik tilab aytadigan iborasi.
10. Xushi yoʻq Xohlamaslik, yoqtirmaslik; xohishi yoʻq.
11. Xushi kelmoq Kayfiyati yaxshi boʻlmoq.
12. Xushiga kelsa Xohlasa, yoqtirsa.

Misollar

• Yaxshi kuy va qoʻshiq insonga xush kayfiyat bagʻishlaydi. — Gazetadan.
• Dimoqqa bir xush hid uradi Bogʻlar oshib kelgan shabboda. — X. Saloh.
• Vaqti xush boʻp, karnay-surnay qoʻyadi, Oʻyinchi, sozanda bari keladi. — "Bahrom va Gulandom".
• Farhodning koʻngli xush boʻlib, Otasi ham birga ketdi. — "Bahrom va Gulandom".
• Bunaqa shart ellikboshiga albatta xush yoqadi-da! Darrov hovlini oʻz bahosidan ancha ortiqqa olibdi. — A. Qahhor — Qoʻshchinor chiroqlari.
• -Xush kelibsiz, safo kelibsiz, juda xursandman, — dedi uy egasi. — M. Osim — Ibn Sino qissasi.
• Uning oʻziga sariq atlas xush kelsada, biroq, hozir oʻz xohishini bir yoqqa qoʻya turib, Otabek koʻnglicha kiyinishga qaror qildi. — A. Qodiriy — Oʻtgan kunlar.
• [Bobur:] -Xush koʻrdik, begim, — dedi-da, unga oʻng yelkasini tutdi. — P. Qodirov — Yulduzli tunlar.
• Ammo Anvarning ayniqsa xush koʻrgan kishilaridan birinchisi Raʼno va ikkinchisi.. Nasim ismli bola edi. — A. Qodiriy — Mehrobdan chayon.
• Mening bilan birga kelgan Mehribonlar, xush endi! — "Bahrom va Gulandom".
• Azamat-ʼlar, naʼra sherlar.. Begu xonlar, xush qol endi! — "Erali va Sherali".
• Dasturxonda holva, novvot, murabbo.. Zargarovning bularga xushi yoʻq.. — A. Muxtor — Boʻronlarda bordek halovat.
• Bundaylar haqida xalqda koʻcha xandon, uy zindon, degan naql bor. Chunki xushi kelganda, undan quvnoq odam yoʻq. — J. Abdullaxonov — Oriyat.
• Xushingga kelsa — shu, boʻlmasa, bilganingni qil.

Kelib chiqishi

fors. – yoqimli, yaxshi, ajoyib; shod, quvnoq!

Manba: Vikilug‘at