yel

Ma’nolari

1. shamol.
2. Biror narsa ichiga damlangan havo; dam.
3. Ichakda hosil boʻladigan havo, gaz.
4. Yelga uchmoq - bekor ketmoq, foydasiz boʻlmoq.

Misollar

• Togʻdan sovuqqina yel esardi. — Parda Tursun — Oʻqituvchi
• Tun ayoz, izgʻiriq yel toʻrt tarafga yugurib, jon achitmoqchi boʻlar edi. — Abdulla Qodiriy — Oʻtgan kunlar
• Alijon Toshkentga yeldek yetib keldi. — Mirmuhsin — Chiniqish
• Boʻtaboy epchillik bilan egarsiz otga mindi-da, bir-ikki achchiq qamchi bosdi: ot jon-jahdi bilan pastga qarab yeldek uchib ketdi. — Said Ahmad — Hukm
• Ballonning yeli chiqib ketibdi.
• Otabek oʻn besh daqiqalardan soʻng, ichiga yel qamalgan pufakdek, "uff" etib yuborgach, oʻrnidan turdi. — Abdulla Qodiriy — Oʻtgan kunlar
• Qabziyat ortdida, qabziyat.. Shu vaqt bir yel yurishsa, koʻzim ochilarmidi. — Abdulla Qodiriy — Obid ketmon
• Nihoyat, kutilgan kun keldi. Butun vujudi bilan qilingan gʻayrat, harakat yelga uchmadi. — Narimon Orifjonov — HalovatYelga uchirmoq (yoki sovurmoq) - bekor ketkazmoq, yoʻq qilmoq.
• Gaplarimni yelga uchirib nima qilaman, derdim. — Hamroqul Tursunqulov — Hayotim qissasi — 1964
• Ishni barbod qilgan, davlatning minglab soʻmlarini yelga sovurgan.. — Sa’dulla Karomatov — EʼtiqodOgʻzining yeli - "Bir ogʻiz soʻzi, gapi bilan boʻladi, bitadi" maʼnosini bildiradi.
• Bitta aeroplan nima degan gap? Oxunboboyevday odam uchun ogʻzining yeli. — Hamid Gʻulom — Toshkentliklar — 1974
• Valixonlarga nikoh choʻtmi.. ogʻzining yeliga toʻy, ogʻzining yeliga motam. — Sherali Toshmatov — Erk qushi

Manba: Vikilug‘at