yetim

Ma’nolari

1. . Otadan, onadan yoki har ikkovidan ajralgan.
2. . Tashlab qoʻyilgan, eʼtibor berilmaydigan, qaralmaydigan shaxs yoki narsaga nisbatan qoʻllanadi.
3. Tirik yetim Otasi yoki onasi yoki har ikkovi tomonidan tashlab ketilgan qarovsiz bola.
4. Yetim qovurgʻa ' Eng pastki juft qovurgʻa.

Misollar

• Yetim bola. Yetim qoʻzi.
• Ularning biri olti yashar, biri toʻrt yashar yetim nabiralari Unsinni sevadilar. — Oybek — Tanlangan asarlar.
• Hali ovqat yeyishga oʻrganmagan toʻrtta buzoq koʻzlari moʻltirab yetim qoladi-yu, achinmay boʻladimi? — S.Anorboyev — Oqsoy.
• Ayniqsa, bizning bechora moʻytan urugʻi — qoʻngʻirot elining shoʻrlik yetimi, bir shapaloq ursa ham, evaziga jon berib kelgan. — A. Muxtor — Qoraqalpoq qissasi.
• Ugʻlingni tirik yetim qilma. Bolang tufayli har qancha ogʻirchilik boʻlsa, ustingga ol. — A. Qahhor — Qoʻshchinor chiroqlari.
• Istardikki, "etim", "tirik yetim" soʻzlari dunyoda yoʻq boʻlsa, faqatgina kitoblardagina qolsa. — Gazetadan.

Kelib chiqishi

arab. — ota-onasiz, yetim, yakkayu yagona; noyob

Manba: Vikilug‘at