yoymoq

Ma’nolari

1. Taxlangan, oʻralgan narsani ochmoq.
2. Ochib, yozib osmoq (tortilgan arqon, ipga, shoxga va shu kabilarga).
3. Ezib yupqalamoq, yassilamoq; choʻzmoq.
4. Toʻshamoq, solmoq. [
5. Bir-biridan ajratib, tarqatib, so-chib qoʻymoq.
6. Maʼlum qilmoq, ommalashtirmoq.
7. Mashhur qilmoq, ovoza qilmoq.
8. Toʻplanib, uyulib yotgan narsani tar-qatib tekislamoq, tekis qilmoq.
9. Tarqatmoq, sochmoq, bermoq.
10. Sochini yoymoq shv. folk. Motam tutmoq; gʻam-alamda qolmoq.

Misollar

• Qaltiragan qoʻllari bilan dastroʻ-mollarni yoyib koʻrdi: ikkalasi ham oq sho-yidan. — Oybek — Quyosh qoraymas.
• Kir yoymoq. Kiyim-larni dorga yoymoq. Kelinni kelganda koʻr, se-pini yoyganda koʻr. — Maqol.
• U engashib oʻtirgancha xamir yoyar, nimcha kiyib olgan, entikib nafas olar, shishinqiragan yuzi qizarib ketgandi. — Oʻ. Hoshimov — Qalbingga quloq sol.
• Yormat\ Otni qoʻsh-gandan keyin, aravaga qalin namat soldi, ustidan koʻrpacha yoydi. — Oybek — Tanlangan asarlar.
• Toʻshakni uy orqasidagi ajriqqa yoyib kelib, quruq karavotda shiftga tikilgancha yotdi. — S. Nurov — Narvoy.
• Yongʻoqni oftobga yoymoq. Qoʻylar-ni yoymoq.
• Qud-rat.. u yerda [toʻgarakda] oʻrganganlarini ma-halliy ishchilar orasida yoyib yurgan kun-larining birida uni jandarma iskovuchlari tutibqamadilar. — M. Ismoiliy — Fargʻonat.o.
• -Pekin bu narsani [savodni] sir saqlash yara-maydi. Hammaga yoyib, namuna qilish kerak, — dedi Elmurod. — P. Tursun — Oʻqituvchi.
• Arzi-gay nomingiz yoysak olamga, Shul erur mening ham umrlik dardim. — A. Oripov.
• Institu-timizning shonu shuhratini olamga yoyadigan boʻlding, degani elas-elas qulogʻimga chalinib ham turibdi. — X. Toʻxtaboyev — Shirin qovun-lar mamlakati.
• Doʻnglik yoyib yuborilgandan keyin Mohidilning ruhi yorishib ketdi. — J. Abdullaxonov — Toʻfon.
• Peshinga-cha tariqqa suv yoyaman, kechlatib, Xevaga cho-paman. — S. Siyoyev — Yorugʻlik.
• Koʻklam osmoniga yonboitab, yoyar quyosh alvon-alvon nur. — T. Toʻla.
• Birov oʻlsa, qolgan qo-vogʻin uyar, Qarindoshi boʻzlab, sochini yoyar. — "Hasanxon".
• Oʻlib ketsang, yurting boʻlar be-sohib, Enang, singling qolar sochini yoyib. — "Murodxon". Tomir yoymoq q. tomir. Qanot yoymoq Ommalashmoq, rivojlanmoq; roʻyobga chiqmoq.
• Orzusi qanot yoygan Tursunoy Rai-movadan xotin-qizlar har qancha oʻrnak olsa arziydi. — Sh. Shorahmedov — Orzu qanot yoydi. Quloch yoymoq ayn. quloch yozmoq q. quloch 1.

Manba: Vikilug‘at