zabardast

Ma’nolari

1. . Jismoniy jihatdan baquvvat, kuchli; qudratli.
2. . Yetuk, oʻtkir, taniqli.
3. . Ogʻir, katta, zalvorli.

Misollar

• Zabardast yigit.
• Ikki zabardast pahlavon oʻrtada bel tutishib ketdilar. — M. Muhammadjonov — Turmush urinishlari.
• Bizning dovyurak, jasur, zabardast askarlar ikki kungacha dushmanni oldinga siljitishmadi. — T. Rustamov — Mantu jasorat.
• Zabardast qoʻllar tobutni azot koʻtarib, keng yelkalarga oldilar. — "Yoshlik".
• Xullas, Pavel Ivanovich Petrovskiy maktab yaratgan zabardast olim boʻlib, uning bilan hisoblashmaydiganlar kamdan-kam topilardi. — S. Karomatov — Oltin qum.
• Sattorxon toʻra ham dindor, ham zabardast ulamo, qilni qirq yoradigan mullo edilar. — K. Yashin — Hamza.
• Uch buyuk zabardast shoir sukutda edi. — Shukrullo — Javohirlar sandigʻi.
• Bundan yigirma uch yil avval Matqovul oʻzining zabardast ketmoni bilan Saltonbuning toʻrt tanob yerini toʻrt kun deganda agʻdarib chiqdi. — M. Ismoiliy — Fargʻona tong otguncha.
• Yer ishi ogʻir, oʻzingiz yaxshi bilasiz, ogʻizning yeli bilan bitmaydi. Zabardast ketmonni piyoz poʻstiday qilib qoʻyadi paxta ishi. — S. Nurov — Narvoy.

Kelib chiqishi

fors. – qoʻli baland, kuchli; ishbilarmon

Manba: Vikilug‘at